ონისე გერგედევამ, რომელსაც საზოგადოება ანტისაოკუპაციო აქტივობით იცნობს, თბილისის ვანო სარაჯიშვილის სახელობის სახელმწიფო კონსერვატორიის შენობაზე აღმართული რუსეთის სახელმწიფო დროშა ჩამოხსნა, რომელიც იქ სხვა ქვეყნების დროშებთან ერთად ფრიალებდა.
"ეს არის სახელმწიფოს სირცხვილი - რომ დედაქალაქის ცენტრში, სახელმწიფო შენობაზე, ოკუპანტების დროშა ფრიალებს!", - განაცხადა ონისე გერგედავამ, რომელმაც ანტისაოკუპაციო მოძრაობის სახელით ჩამ,ოხსნილი რუსეთის სახელმწიფო დროშა იქვე დახია.
შეგახსენებთ, კონსერვატორიის შენობაზე რუსეთის დროში აფრიალება კონსერვატორიის რექტორატში საერთაშორისო კონკურსით ახსნეს, რომელიც 1-დან 11 ოქტომბრამდე ტარდება და სადაც რუსეთის წარმომადგენლებიც მონაწილეობენ.
მანამდე დროშის აღმართვა თბილისის მერობის კანდიდატმა გიორგი ლილუაშვილმა (პარტია "საქართველო") და "აფხაზთა კრების" ლიდერმა მალხაზ პატარაიამ, ასევე ეროვნულ-გამათავისუფლებელი მოძრაობის ერთერთმა ლიდერმა და ეროვნული დამოუკიდებლობის პარტიის ყოფილმა თავმჯდომარემ ირაკლი წერეთელმა გააპროტესტეს.
წყარო: fmabkhazia.com