მეცნიერებმა კოსმოსიდან მიღებული 15 ახალი სიგნალი დაიჭირეს, რაც დედამიწის გარდა სიცოცხლის სხვაგან არსებობაზე შეიძლება მიუთითებდეს. ეს აღმოჩენა ბერკლის კალიფორნიის უნივერსიტეტში არსებულ პროექტ Breakthrough Listen-ში ჩართულმა პროფესორ-მეცნიერებმა დააფიქსირეს. ინფორმაციას თავად უნივერსიტეტი ავრცელებს.
ე.წ. გამონათებები 26 აგვისტოს სპეციალური აღჭურვილობის დახმარებით დაფიქსირდა. თითოეული სიგნალი 300 მილიწამის განმავლობაში გრძელდებოდა. სიგნალის წყარო FRB 121102-ია - ჯუჯა გალაქტიკა, რომელიც დედამიწიდან სამი მილიარდი სინათლის წელიწადით არის დაშორებული. როგორც სწავლულები ამბობენ, გალაქტიკა მზის მასაზე 40-70 მილიონჯერ უფრო მძიმეა, ხოლო მისი დიამეტრი 13 ათასი სინათლის წელიწადის ტოლია.
FRB 121102-ისგან პირველი სიგნალი ჯერ კიდევ 2012 წელს მიიღეს. ამის შემდეგ მეცნიერების მცდელობა უცხო სამყაროს დაკავშირებოდნენ 26 აგვისტომდე უშედეგოდ სრულდებოდა.
დღეის მონაცემებით, გალაქტიკიდან დედამიწაზე ასეთი 150-მდე სიგნალია გამოგზავნილი, თუმცა ეს პირველი შემთხვევა იყო, როდესაც სიგნალი RB 121102-იდან განმეორდა.
წყარო: imedinews.ge